TATA IBADAH AKHIR BULAN KONTEKSTUAL AMBON

TATA IBADAH AKHIR BULAN: KONTEKSTUAL AMBON

SIAP-SIAP (Persiapan)

Sombayang di Konsistori

Majelis baca jamaat pung barita (Warta Jemaat / Mendirikan Jemaat)

Suling / tahuri / Kulibia kas babunyi baru kampinjang 3 kali babunyi

 

DATANG PAR TUHAN

Kampinjang babunyi 3 kali, jamaat badiri la manyanyi “Nyanyian BERJUMPA LAGI” waktu jamaat manyanyi tarian lengso hentar Majalis, Pandita deng Jujaro/Mungare.

 

NYANYIAN “ BERJUMPA LAGI ”

BERJUMPA LAGI,, BERJUMPA LAGI DITEMPAT INI

DENDANG BERSAMA,, DENDANG BERSAMA BERGEMBIRA RIA SAAT YANG INDAH,, BERAMAI-RAMAI KUMPUL GANDONG EEE

KITA BERSATU,, DIDALAM KASIH MANIS EE

KITA BERSATU,, DIDALAM KASIH MANIS EE

 

BAKUDAPA LAE,, BAKUDAPA LAE DI TEMPAT INI

DENDANG BERSAMA,, DENDANG BERSAMA BERGEMBIRA RIA ORAS YANG INDAH,, BERAMAI-RAMAI KUMPUL GANDONG EE

KATONG BERSATU,, DIDALAM KASIH MANIS EE

KATONG BERSATU,, DIDALAM KASIH MANIS EE

 

TUHAN ADA DENG KATONG (Pembukaan dan Salam)

Pandita:

Katong pung tolongan dalang kabaktiang ni cuma Allah yang kas jadi dunia deng akang pung isi, Yesus Kristus Allah pung Ana yang datang par kasi salamat samua orang yang parcaya deng Allah pung Roh yang salalu ada deng katong Jamaat. Amin ! Kasih Allah dan damai dari Yesus Kristus Tuhan par basodara samua. ( Jamaat dudu )

NYANYIAN JAMAAT : AKANG MANIS LAWANG “

1.Akang manis lawang, kalo katong samua su bakumpul.

Katong manyanyi sama-sama puji Tete Manise e.

Toki tifa dendang, la rame-rame angka suara.

Refrein:

Katong barsuka somba Tete Manis.

Katong barsuka somba Tete Manis

 

2.Ayo basudara katong samua bakugandeng tangan.

Katong badendang muliakan kasih Ama yang kekal.

Toki toleng-toleng, tiop tahuri angka pujian.

Reef.

 

3.Ayo loko lengso katong manari dengan sukaria.

katong sombayang, jaga hidop orang basudara e.

Toki totobuang, deng tiop suling angka syukur.

Reff

 

KOOR ( PERSEMBAHAN PUJIAN )

 

SOMBAYANG MENGAKU DOSA

 

NYANYIAN JEMAAT : SABIJI ARENG ARENG “.

Sabiji areng – areng yaitu Tuhan Yesus

Dimana – mana didalam dunia

Dimana – mana diatas bumi

Didalam hidop ini hanya satu S

abiji areng areng yang beta iko

Sio Tuhan Yesus yang beta suka

Sio Tuhan Yesus yang beta puja

Sio Tuhan Yesus yang beta cinta

Sio Tuhan Yesus cuma satu di dunia

Beta suka Tuhan Yesus

Beta puja Tuhan Yesus

Beta cinta Tuhan Yesus

Beta setia pada FirmanNya

 

BACA DENG DENGAR ALLAH PUNG AJARAN

Sombayang minta Tuhan pung Roh

P & J           : Sio Tuhan kasi Roh, tolong katong par baca Alkitab deng tarima Tuhan pung ajaran hari ini, supaya katong hidop jadi bae, deng tarus – tarus biking bae, deng par tuntun katong maso bulang baru deng bae bae, Amin.

Baca Alklitab:

Pandita Riwayat ( Khotbah )

KOOR ( Persembahan Pujian )

 

JAMAAT PUNG TANDA MINTA DANGKE ( PERSEMBAHAN SYUKUR )

Pandita :

Jamaat e, mari katong kasi persembahan par Tuhan, sebagai tanda syukur dan tarima kasih. Katong percaya sa, yang kasi deng hati sanang, pastilah Allah tarima de pung persembahan dan Allah berkati.

 

NYANYIAN JEMAAT : ROHANI 160 : 1 – 5 “ TUHAN AMBIL HIDUPKU “.

Pengataran persembahan di tanggu dan persembahan etnik kedepan meja Altar dengan pujian dan tarian. Pujian……………………………………..

 

SOMBAYANG SYAFAAT DAN PERSEMBAHAN DI UJUNG BULANG

Pandita :

Jamaat, gareja ni tampa manyatu par sombayang, tagal itu mari katong sama-sama sombayang minta Tuhan pung tolongang di katong pung hidop di ujong Bulang ni.

Jamaat :

Sio Tuhan Allah, dengar katong pung sombayang jua

Pandita :

Katong sombayang par bilang syukur, deng dangke banya par Tuhan, tagal su jaga deng piara katong sampe di ujung bulang. Biar ada saki, ada yang ilang, ada yang pi, maar Tuhan seng parnah kas biar katong bajalang sandiri. Tuhan ganti susah deng sanang. Suka deng duka akang biking katong kuat sampe oras ini. Jamaat yang ada badiri nich, dong pu syukur banya, tagal hari kajadian dalam dong pu hidup di bulan ini, Tuhan berkati jamaat ini deng berkat banya, lalu tuntun dong pung hidop biar salalu bersyukur dan andalkan Tuhan.

Jamaat :

Sio Tuhan Allah, dengar katong pung sombayang jua

Pandita :

Katong sombayang dari atas tana pusaka yang Tuhan kasi ni, katong taru sagala orang yang pegang parenta di bangsa, daera, bendar sampe di ruma-rumatangga. Tuhan jaga katong jua, supaya katong hidop aman, utuh di atas tana yang Tuhan kasi ni

Jamaat :

Sio Tuhan Allah, dengar katong pung sombayang jua

Pandita :

Katong sombayang par samua manusia dalang kahidopang “Orang Basudara”. Tuhan, tolong ajar katong par baku bantu, baku keku, deng salalu paduli basudara yang laeng supaya katong sunggu-sunggu tabaos kabar bae yang Tuhan ajar

Jamaat :

Sio Tuhan Allah, dengar katong pung sombayang jua

Pandita :

Katong sombayang par gareja. Tuhan tolong samua orang yang kasi diri par jadi gembala. Biar dong bajalang turut Tuhan pung suruhan seng babangke deng seng barsungut. Biar gareja ni bisa jadi berkat deng tampa balindung paleng kuat par samua umat yang datang mangadu.

Jamaat :

Sio Tuhan Allah, dengar katong pung sombayang jua

Pandita :

Katong sombayang cuma par Tuhan sa, tagal itu katong seng takotang apapa satu di dunia ini.

P + Jamaat :  Amin!

 

NYANYIAN JAMAAT : KAMI NAIKKAN SYUKUR PADAMU (Jamaat badiri)

 

ALLAH UTUS DENG KASI BERKAT

 

Pandita :

Jamaat e, pulang deng hati yang barsuka, tagal Tuhan su ajar katong par hidop deng cara yang batul-batul katong parcaya Antua. Jadi t’rang dimana sa deng par sapa sa, tagal itu, Allah kasi Antua pung pung janji berkat par katong di ujung bulan ini: ALLAH SUMBER SAGALA KASIH DENG KARUNIA KASI BERKAT MALIONG-MALIONG DI KATONG PUNG HIDOP; TUHAN YESUS KRISTUS YANG RELA KASI SALAMAT KATONG JAGA DENG PIARA KATONG PUNG SAGALA KARJA DENG USAHA; ALLAH PUNG ROH TOLONG KATONG PAR SALALU PADULI KAHIDOPANG DI ALAM NI DENG SAMUA CIPTAAN. AMIN

Jamaat : Amin,,,Amin,,,Amin.

 

Berlangganan update artikel terbaru via email:

Belum ada Komentar untuk "TATA IBADAH AKHIR BULAN KONTEKSTUAL AMBON"

Posting Komentar

Hai, sahabat DEAR PELANGI ... silahkan memberi komentar sesuai topik dengan bahasa yang sopan.

YANG PALING BARU

PPT: KEKUATAN BEKERJA SAMA

ABOUT ME

Foto saya
Sorong, Papua Barat Daya, Indonesia
Menemukan PELANGI dalam hidup sendiri dan menjadi PELANGI di langit hidup sesama. Like and Subscribe my youtube channel: DEAR PELANGI CHANNEL

Iklan

Display

Inarticle

Infeed